Երևանի ընդհանուր իրավասության դատարանի Շենգավիթի նստավայրում դատավոր Աննա Դանիբեկյանի նախագահությամբ այսօր շարունակվում է ՀՀ երկրորդ նախագահ Ռոբերտ Քոչարյանի, պաշտպանության նախկին նախարար Սեյրան Օհանյանի, նախկին փոխվարչապետ Արմեն Գևորգյանի, ՀԱՊԿ նախկին գլխավոր քարտուղար Յուրի Խաչատուրովի գործով դատավարությունը: Դատական այսօրվա նիստին ներկա էր նաև Սեյրան Օհանյանը: Վերջինս լրագրողների հետ զրույցում նշեց. «Ռոբերտ Քոչարյանը, ինչպես և մյուսները, հավասար իրավունքներ ունի այս դատական գործընթացում»: Օհանյանը նաև ասաց՝ այն, ինչ կա ցուցմունքներում, ինչ կա նախաքննական մարմնի աշխատանքի ժամանակ, իրականություն է: Վերջինս նաև ընդգծեց՝ Սահմանադրական կարգի տապալում տեղի չի ունեցել: