Այսօր երեկոյան, ժամը 20:00 տեղի է ունենալու ՀՀԿ գործադիր մարմնի հերթական նիստը: Այն վարելու է Հանրապետականների ղեկավար Սերժ Սարգսյանը: Այս մասին Irakanum.am-ի հետ զրույցում նշեց ՀՀԿ կազմակերպչական հարցերով պատասխանատու Ռուբեն Թադեւոսյանը:
Ըստ նրա՝ նիստում քննարկվելու են ներկուսակցական եւ ներքաղաքական հարցեր: Վարչապետի թեկնածուի հարց քննարկվելու է արդյո՞ք նիստում, հարցրեցինք Թադեւոսյանին: Վերջինս նշեց, որ օրակարգը ձեւավորվում է տեղում՝ ՀՀԿ ղեկավար Սերժ Սարգսյանի եւ գործադիր մարմնի անդամների առաջարկությամբ:
Ինչ վերաբերում է կուսակցության խորհրդի նիստ հրավիրելուն, ապա ըստ Թադեւոսյանի այդ հարցը եւս կքննարկվի, եթե նման անհրաժեշտություն առաջանա՝ կհրավիրեն:
Նշենք, որ մեր ունեցած տեղեկություններով ՀՀԿ-ն առաջիկա նիստում քննարկելու է ապագա կառավարության ձեւավորման հարցը: Վարչապետի թեկնածուի հարց քննարկելու անհրաժեշտություն չկա, քանի որ հստակ է, թե ով է լինելու ՀՀ հաջորդ վարչապետը:
Irakanum.am
00:00:00
