Ղրղզստանի նախկին նախագահ Ալմազբեկ Աթամբաևը ձերբակալվել է: Այս մասին հայտնում է Ինտերֆաքսը: Հիշեցնենք, որ օգոստոսի 7-ին իրավապահները գրոհել էին նրա տունը, սակայն Աթամբաևի կողմնակիցները հետ էին մղել գրոհը: Երկրի նախկին ղեկավարը մեղադրվում է կոռուպցիայի մեջ: Չնայած ձերբակալությանը՝ իրավապահները չէին կարողանում դուրս գալ Քոյ-Թաշ գյուղից, քանի որ Աթամբաևի կողմնակիցները թույլ չէին տալիս, որ ավտոմեքենան շարժվի: Այն ստիպված էր փոխել ճանապարհը և շրջանցիկ ճանապարհով ուղևորվել Բիշքեք: