Սերժ Սարգսյանը փետրվարի 25-ին շնորհավորական ուղերձ է հղել ՀՀ արվեստի վաստակավոր գործիչ, կոմպոզիտոր Արմեն Մարտիրոսյանին՝ ծննդյան 55-ամյակի առթիվ՝ մաղթելով հոբելյարին քաջառողջություն, երջանկություն եւ ստեղծագործական նորանոր նվաճումներ:
«Դուք հայ երաժշտարվեստի ճանաչված դեմքերից եք, հայտնի կոմպոզիտոր, որի ստեղծագործությունները սկիզբ են առնում մեր ազգային երաժշտության անխառն ակունքներից:
Ձեր գործերն աչքի են ընկնում ուրույն մտածողությամբ եւ ձեռագրով, իսկ էստրադային-ջազային երկերն իրենց թարմությամբ ու մեղեդայնությամբ նոր հորիզոններ են բացել հայկական ջազային երաժշտարվեստում»,-ասված է Սերժ Սարգսյանի շնորհավորական ուղերձում:
