Թբիլիսիի քաղաքապետ Կախա Կալաձեի հայտարարությամբ, լարիի փոխարժեքի կայունացման համար երկրի Կենտրոնական բանկը կոնկրետ քայլեր պետք է ձեռնարկի, այս մասին հայտնում է aliq.ge-ն: Նրա խոսքով՝ դոլարի համեմատ լարիի արժեզրկման պատճառը միայն Ռուսաստանի կողմից սահմանված տուրիստական էմբարգոն չէ: «Լարիի փոխարժեքը խնդիր է ներկայացնում բոլորի համար: Հետևաբար, երբ կոնկրետ քայլեր ձեռնարկվեցին, կայունացման միտումներ նկատվեց, սակայն այսօր այլ իրավիճակ ունենք: Անշուշտ, կենտրոնական բանկը պետք է կոնկրետ քայլեր ձեռնարկի՝ հանրությանը ներկայացնելով այդ ուղղությամբ մշակած ծրագիրը»,- հայտարարել է Կալաձեն: