ՌԴ ռազմական ավիացիան մարել է Սիբիրի անտառում ավելի քան 450 հազար հա տարածքում բռնկված հրդեհը, հաղորդում է «ՌԻԱ Նովոստի»-ն: «1 մլն 100 հազար ընդհանուր տարածքից ավելի քան 450 հազար հեկտար տարածքը հրդեհվել է: Կրակը մարվել է ՌԴ պաշտպանության նախարարության ռազմական ավիացիայի կողմից»,- ասվում է հաղորդագրության մեջ: Իլ-76 BTA ինքնաթիռները 24 թռիչք են իրականացրել՝ 1000 տոննա ջուր բաց թողնելով: Մի-8 ուղղաթիռները 60 թռիչք են իրականացրել՝ 600 տոննա ջուր բաց թողնելով: 3 օրում ավելի քան 3586 տոննա ջուր է բաց թողնվել: «ՌԴ ՊՆ ինքնաթիռներն ու ուղղաթիռները մասնակցել են հրդեհի մարման աշխատանքներին, դա թույլ է տվել 5 անգամ նվազեցնել կրակի տարածումն ու լիկվիդացնել քաղաքում օդի աղտոտվածությունն ու բարելավել տարածաշրջանում ընդհանուր էկոլոգիական վիճակը»,- նշել են նախարարությունում: