ՀՀ ԱԻՆ ՓԾ ճգնաժամային կառավարման ազգային կենտրոնում փետրվարի 19-ից 25-ն ընկած ժամանակահատվածում գրանցվել է 262 դեպք, որից 114-ը՝ արտակարգ:
Հայաստանի ԱԻՆ-ից հայտնում են, որ նշված ժամանակահատվածում արձանագրվել է 107 կենցաղային կանչ, 53 հրդեհ: Գրանցված 37 ճանապարհատրանսպորտային պատահարի հետեւանքով զոհվել է 1 եւ տուժել 63 մարդ, իսկ փրկարարական օպերատիվ գործողությունների արդյունքում՝ փրկվել 2 քաղաքացի:
Եղանակային պայմանների հետ կապված` գրանցվել է տրանսպորտային միջոցների արգելափակման 24 դեպք: Փրկարարներն օգնություն են ցուցաբերել 58 քաղաքացու եւ անվտանգ տարածք տեղափոխել ավտոճանապարհներին ձյան շերտում արգելափակված 29 տրանսպորտային միջոց:
Շաբաթվա ընթացքում գրանցվել է նաեւ թունավորման 10 դեպք, որոնց հետեւանքով տուժել է 17 քաղաքացի:
