ԱՄՆ Տեխաս նահանգում իսպանացի հայտնի գեղանկարիչ, սյուրռեալիզմի հիմնադիրներից Սալվադոր Դալիին հիշեցնող շան ձագ են գտել, գրում է Daily Mail-ը: Կենդանու առանձնահատկությունն այն է, որ նա բերանի հատվածում բեղերի նմանվող սև նշան ունի, որը սյուրռեալիստ գեղանկարչի բեղերն է հիշեցնում, այդ իսկ պատճառով շնիկը Սալվադոր Դոլլի անունն է ստացել: Սալվադոր Դոլլիին և 10 այլ ձագերի գտել են փողոցում՝ հուլիսի 10-ին: Այժմ 5 շաբաթական կենդանիները գտնվում են Դալլաս քաղաքում, սակայն մի քանի շաբաթից Նյու Յորք կտեղափոխվեն, որտեղ կմնան խնամակալների մոտ, մինչև հայտնվեն նրանց նոր տերերը: Նախատեսվում է, որ Սալվադոր Դոլլին և նրա եղբայրները որդեգրման կուղարկվեն օգոստոսի վերջին կամ սեպտեմբերի սկզբին: