Ադրբեջանի ՌՕՈւ-ն դադարեցրել է ուսումնամարզական թռիչքները ՄիԳ-29-ի կործանումից հետո, տեղեկացնում է ՌԻԱ «Նովոստի»-ն՝ հղում կատարելով երկրի պաշտպանության նախարարության մամուլի ծառայությանը։ «Ադրբեջանի ՌՕՈւ ՄիԳ-29-ի կործանման առնչությամբ պաշտպանության նախարարության ղեկավարության կարգադրությամբ դադարեցվել են ադրբեջանական բանակի բոլոր ավիամիջոցների ուսումնամարզական թռիչքները։ Մինչեւ ՄիԳ-29-ի կործանման պատճառները պարզելը ժամանակավորապես դադարեցվել են Ադրբեջանի ՌՕՈւ ավիացիոն միջոցների բոլոր թռիչքները։ Միեւնույն ժամանակ, մարտական հերթապահությունն իրականացվում է պլանային կարգով»,- տեղեկացրել են ռազմական գերատեսչությունում։ Ադրբեջանի պաշտպանության նախարարությունը նախօրեին տեղեկացրել է, որ ուսումնական թռիչքի ժամանակ ռազմական ինքնաթիռն անհետացել է ռադարների էկրաններից, ընկել Կասպից ծովը։ Կատարվում են օդաչուի որոնման աշխատանքներ։