ՀՀ վարչապետ Կարեն Կարապետյանի որոշմամբ՝ Արամ Մխոյանը նշանակվել է վարչապետի խորհրդական։ Կարեն Կարապետյանի ստորագրած որոշման մեջ, մասնավորապես, ասված է. «Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝ Արամ Մխոյանին նշանակել Հայաստանի Հանրապետության վարչապետի խորհրդական»։ Այս մասին Irakanum.am-ը տեղեկանում է Կառավարության տարածած հաղորդագրությունից: Ով է իրականում վարչապետի նոր խորհրդականը: Մեզ հայտնի դարձավ, որ Մխոյանը ԼՂՀ  Գյուղատնտեսության նախկին նախարարն է եղել: Արամ Մխոյանը  Կարեն Կարապետյանի թվով 13-րդ խորհրդականն է: Թե ինչ հարցերով են խորհուրդ տալիս մեծաթիվ խորհրդականները Կարեն Կարապետյանին հայտնի չէ: Ի դեպ Արամ Մխոյանը հասարակական հիմքերով չէ, որ խորհրդական է նշանակվել: Սա նշանակում է, որ պետական բյուջեի միջոցները խնայելու կոչով հանդես եկող Կարապետյանը հարկատուների գրպանից կվճարի եւս մեկ անձի, անհասկանալի խորհուրդների դիմաց: Irakanum.am