Ամերիկացի երգչուհի Ջենիֆեր Լոպեսը երկրպագուներին հաճելի անակնկալ է մատուցել It's My Party համերգային շրջագայության ընթացքում Լոս Անջելեսում ուրբաթ տված համերգի ժամանակ:
49-ամյա երգչուհին բեմ է դուրս եկել 11-ամյա դստեր՝ Էմմիի հետ, որի հետ զուգերգով ներկայացրել է նախորդ տարվա իր Limitless հիթային երգը: Մայր ու աղջիկ ներկայացել են կարմիր հանդերձանքով:
Ելույթի տեսանյութը Լոպեսը հրապարակել է Instagram-ի իր էջում, որտեղ երկրպագուները բազմաթիվ հիացական մեկնաբանություններ են թողել՝ նկատելով, որ Ջեյ Լոն հպարտ մայրիկ է:
Էմմին նախկինում ևս ցույց է տվել, որ ժառանգել է երաժիշտ ծնողների՝ Ջենիֆերի և Մարկ Էնթոնիի տաղանդը:
