Համացանցում տեսանյութ է հրապարակվել, որում երևում է, թե ինչպես է ՀՀ նախագահ Արմեն Սարգսյանը պարում օտարերկրացի հյուրերի հետ: Հիշեցնենք՝ երեկ Դիլիջանում տեղի է ունեցել «Մտքերի հայկական գագաթնաժողով»-ի բացման հանդիսավոր արարողությունը: Միջոցառումը մեկ հարկի տակ համախմբել էր հայաստանցի և օտարերկրացի ավելի քան երկու հարյուր նախկին ու ներկա պետական և քաղաքական գործիչների, հայտնի վերլուծական կենտրոնների, բարձր տեխնոլոգիաների ոլորտի աշխարհահռչակ ընկերությունների ներկայացուցիչների, գիտնականների, վերլուծաբանների, գործարարների ու ձեռնարկատերերի: