Երևանի ավագանու նիստում այսօր զավեշտալի իրավիճակ է տեղի ունեցել: Երբ «Երկիր ծիրանի» խմբակցության ղեկավար Զարուհի Փոստանջյանը ամբիոնի մոտ ներկայացնում էր իրենց հեղինակած նախագիծը՝ Վազգեն Սարգսյանի անվան փողոցը Վուդրո Վիլսոնի անվամբ անվանակոչելու վերաբերյալ, խմբակցության անդամ Մարինա Խաչատրյանը բաժակով ջուր մոտեցրեց նրան:
Ավագանու ՀՀԿ-ական անդամների մոտ իրարանցում առաջացավ, Մարինա Խաչատրյանին փորձում էին թույլ չտալ առաջ գնալ: Բայց տեսնելով, որ ջուր է տանում, նրան ուղեկցեցին Փոստանջյանի մոտ:«Մի վախեցեք»,- ՀՀԿ-ականներին կոչ արեց Փոստանջյանը:
Հիշեցնենք, որ Ավագանու նախորդ նիստում Մարինա Խաչատրյանը կեղտաջուր էր փորձում «մատուցել» Տարոն Մարգարյանին, որից հետո եղավ հայտնի ծեծկռտուքը:
