ՀՀ ԱՆ «Արթիկ» քրեակատարողական հիմնարկի աշխատակիցները, այսօր՝ մարտի 19-ին՝ ժամը 09:10-ի սահմաններում, օպերատիվ տվյալներն իրացնելով, հերթափոխի ընդունման հանձնման-ժամանակ պահակատանը կից խուզարկությունների համար նախատեսված սենյակում անձնական զննության են ենթարկել անվտանգության ապահովման բաժնի 2-րդ կարգի մասնագետ Կ. Վ.-ին:
ՀՀ ԱՆ ՔԿՎ հանրային կապերի բաժնից հայտնում են, որ նրա մոտից հայտնաբերել են թափանցիկ կպչուն ժապավենով փաթեթավորված փաթեթ, որի մեջ առկա են եղել 13 փոքր փաթեթներ՝ 14,2 գրամ ընդհանուր քաշով, 1 հատ անձեռոցիկով փաթեթավորված փաթեթ՝ 1,5 գրամ քաշով, 10 հատ սպիտակ կլոր դեղահաբեր՝ 1,8 գրամ քաշով, 6,6 գրամ քաշով սեւ գույնի զանգված եւ 1 հատ ներարկիչ՝ 6 մլգ թափանցիկ հեղուկով լցված:
Հայտնաբերվածն ուղարկվել է փորձաքննության:
Հարուցվել է քրեակատ գործ կատարվում է նախաքննություն:
