Հայաստանում ԱՄՆ նորանշանակ դեսպան Լին Թրեյսին հաջորդ շաբաթ կժամանի Երևան՝ ստանձնելու իր պարտականությունները: Հիշեցնենք, որ անցած տարվա վերջում ԱՄՆ-ի Սենատը հաստատեց Լին Թրեյսիի թեկնածությունը ՀՀ-ում ԱՄՆ-ի արտակարգ և լիազոր դեսպանի պաշտոնում, հայտնում է Ամերիկայի ձայնը։ Նախքան ՀՀ-ում ԱՄՆ-ի դեսպանի պաշտոնի ստանձնումը նա զբաղեցնում էր ԱՄՆ-ի պետքարտուղարության Ռուսաստանի հարցերով ավագ խորհրդականի պաշտոնը: Նախկինում դեսպան Թրեյսին հանդիսացել է նաև Ռուսաստանում ու Թուրքմենստանում ԱՄՆ-ի փոխդեսպան, ինչպես նաև եղել է ԱՄՆ-ի փոխպետքարտուղարի տեղակալ Հարավային և Կենտրոնական Ասիայի երկրների գծով: Դեսպան Թրեյսին տիրապետում է ռուսերեն լեզվին: Իր ծառայության դիմաց նա արժանացել է պետքարտուղարության մի շարք պարգևատրումների: