Այսօր ԱԺ նիստում ԱԺ նախագահի ընտրության հարցի քննարկման ժամանակ ԱԺ «Իմ քայլը» խմբակցության ղեկավար Լիլիթ Մակունցը ԱԺ նախագահի պաշտոնում առաջադրեց Արարատ Միրզոյանի թեկնածությունը:
Միրզոյանին ներկայացնելիս Մակունցը նշեց, որ «Քաղաքացիական պայմանագիր» կուսակցության անդամ է եղել, այնուհետև` վարչության անդամ:
Նշենք, որ Միրզոյանը 6-րդ գումարման խորհրդարանի «Ելք» խմբակցության անդամն է եղել, իսկ 2018-ի ապրիլյան իրադարձություններից հետո՝ ՀՀ առաջին փոխվարչապետ:
«Կարծում եմ, որ ԱԺ նախագահի պաշտոնում Արարատ Միրզոյանի թեկնածությունը հավասարապես ընդունելի է թե իշխող մեծամասնության, թե ընդդիմադիր խմբակցությունների համար: Նա իր դավանած արժեքներով եւ անձնային հատկանիներով, անկասկած ջանք չի խնայի իշխանություն ընդդիմություն երկխոսության, տարատեսակ հակասությունների հարթման եւ փոխզիջումների փնտրտուքի համար»,-ասաց Մակունցը՝ կոչ անելով կողմ քվեարկել նրա թեկնածությանը:
ԱԺ-ում հայտարարվեց 30 րոպե ընդմիջում, որից հետո ելույթով հանդես կգա Արարատ Միրզոյանը:
Մյուս խմբակցությունների կողմից այլ թեկնածուներ չառաջադրվեցին:
00:00:00
