Այսօր մեկնարկեց 2019 թվականի առաջին աշխատանքային շաբաթը, ուր մենք մուտք ենք գործում օրեցօր ավելացող մտահոգություններով։ Այս մասին ֆեյսբուքյան իր էջում գրառում է կատարել ՀՀԿ մամուլի խոսնակ Էդուարդ Շարմազանովը: «1.Առաջին անհրաժեշտության բազմաթիվ ապրանքների թանկացում։ 2.2018 թվականի բյուջեի թերի կատարում կամ կրճատում։ 3.Առանց իրական ընդդիմության նոր խորհրդարան։ 4.ՀԱՊԿ-ում ՀՀ-ի դիրքերի թուլացում ու գլխավոր քարտուղարի պաշտոնի կորուստ։ 5. Փաշինյանի խոստացած հայ-ռուսական փայլուն հարաբերությունների փոխարեն գազի թանկացում։ Այս շարքը երկար է, բայց կա մեկ լավ լուր... Վարչապետի պաշտոնակատարն այս ամենը պարտություն չի համարում։ Փաստորեն, մեզ այսպիսի՞ հաղթանակներ և տնտեսական հեղափոխություն է սպասվում»,-գրել է Էդուարդ Շարմազանովը: