Դեռեւս հնուց տարբեր ազգերի մոտ տարբեր ավանդույթներ ու սովորույթներ են ձեւավորվել՝ կապված Սուրբ ծնունդի հետ։ Համաձայն այդ սովորույթներից մեկի՝ եթե Սուրբ ծննդյան գիշերը երկինքն աստղաշատ է, իսկ եղանակը՝ պարզ, ապա տարին առատ ու բերքառատ կլինի։ Միեւնույն սովորույթների համաձայն՝ ահա թե հնում ինչ չէր կարելի անել Սուրբ ծննդյան գիշերը։ Կարել, ասեղնագործել, կոճակ կարել, հակառակ դեպքում հարազատներից մեկը կկորցներ տեսողությունը։ Կենցաղային աշխատանքով զբաղվել՝ մաքրել, լվանալ, ավլել, հակառակ դեպքում հարազատներից մեկի հետ դժբախտություն կպատահեր։ Ինչ-որ իր կորցնել՝ տարին վնասակար կլիներ։ Հայելին գցել, դժբախտություն կլիներ։ Օտար կանայք չպետք է առաջինը տուն մտնեին՝ անհաջող տարի կլիներ։ Բոլոր այս սովորույթները, սակայն, պարզապես սնահավատություն են եւ իրականում քրիստոնեության հետ որեւէ կապ չունեն։