«Մենք ճանապարհային քարտեզը շատ մանրամասն ենք քննարկում, ամեն դետալները բուռն քննարկման առիթ ենք դարձնում: Այդ քարտեզի շուրջ կան առաջարկներ, և մենք որոշեցինք վերջնական որոշումից առաջ այդ առաջարկները քննարկել, ի վերջո, գալ վերջնական եզրակացության»,-այսօր լրագրողների հետ զրույցում ասաց Ելք խմբակցության ղեկավար Նիկոլ Փաշինյանը: Նշենք, որ այսօր դաշինքում քննարկվել էր, թե ինչպես են պայքար տանելու Սերժ Սարգսյանի՝ վարչապետ դառնալու դեմ: Ինչ վերաբերում է Ազատության հրապարակ գործուղվելու շուրջ տարաձայնություններին, Փաշինյանը շեշտեց.  «Մենք ոչ թե քննարկում ենք տարաձայնություններն ինչի մասին են, այլ դրանք հաղթահարելու հարցը։ Եւ այնտեղ, որտեղ կա տարընթերցում, փորձում ենք  այդ հարցերը քննարկել»։