«Դիլիջան» ազգային պարկում եղևնիներ են հատվել: Այս մասին ահազանգում է Բնապահպանի տուն նախաձեռնության անդամ Գոռ Հովհաննիսյանը, հաղորդում է Econews.am-ը: «Դիլիջանում նորից ծառեր են հատվել: Այս անգամ գտանք 10 հատ մեծ եղևնի: Միգուցե էլի կան, պետք է ուսումնասիրել, բայց մնացածը թողնում ենք համապատասխան մարմինների վրա: Այս դեպքը բացահայտելը պիտի դժվար չլինի մասնագետների համար: Տվյալ դեպքում տարածքը Դիլիջանի քաղաքապետարանի ենթակայության ներքո է»,- նշել է նա: