Ռուսաստանի նախագահ Վլադիմիր Պուտինը եւ վարչապետի պաշտոնակատար Նիկոլ Փաշինյանը պայմանավորվել են ակտիվացնել գազի հարցով բանակցությունները, ժամկետները նախանշվել են, քանի որ իրավիճակը «ցեյտնոտային» է։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։ «Երեկ անդրադարձ է կատարվել այս թեմային։ Պայմանավորվել են ակտիվացնել գազի հարցով բանակցությունները, քանի որ մինչեւ երեկ մեր «Գազպրոմի» ու հայ գործընկերների միջեւ ակտիվ բանակցություններ չեն եղել»,–ասել է Պեսկովը՝ պատասխանելով հարցին, թե ինչպես են Կրեմլում գնահատում բանակցությունների ներկա փուլն ու ինչ հաջողություններ կա։