Հանրային ռադիոյի գործադիր տնօրեն Մարկ Գրիգորյանն, ով հրաժարական է տվել դեկտեմբերի 19-ին, վստահեցրեց, որ իր վրա որևէ քաղաքական ճնշում չի եղել, խնդիրը լրիվ այլ հարթության մեջ է: Ինչպես տեղեկացնում է «Արմենպրես»-ը, լրագրողների հետ հանդիպման ժամանակ Գրիգորյանը չցանկացավ մանրամասներ հայտնել տեղի ունեցածի վերաբերյալ՝ խոստանալով, որ մոտ ապագայում այդ մասին կխոսի:
«Իմ վիճակը և իմ շուրջ եղած վիճակը այնքան էմոցիոնալ են, որ ճիշտ կլինի այսօր չխոսեմ:Խոսք եմ տալիս՝ կխոսեմ ձեզ հետ այս թեմայով»,- ասաց Գրիգորյանը:
Նա նշեց, որ իր վրա որևիցե քաղաքական ճնշում չի եղել:
«Ընդհակառակը, պետք է ասեմ, որ իմ՝ տնօրեն լինելու ժամանակ ինձ հաջողվում էր շատ թե քիչ աշխատանքային հարաբերություններ ունենալ բոլոր քաղաքական ուժերի հետ»,- եզրափակեց նա:
00:00:00
