Մարտի 10-ին, ժամը 21:04-ին տեղեկություն է ստացվել, որ Երեւան քաղաքի Վ. Սարգսյան փողոցում գտնվող Կենտրոնական բանկի մոտակայքում տեղի է ունեցել վրաերթ. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ եւ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ անձը չպարզված քաղաքացին «Mercedes G530» ավտոմեքենայով վրաերթի է ենթարկել անձը չպարզված քաղաքացու, ինչի հետեւանքով վերջինս հայտնվել է ճամփեզրին կայանած «Toyota Camrey» ավտոմեքենայի տակ:
Մինչ փրկարարների կանչի վայր հասնելը՝ շտապօգնության բրիգադն արձանագրել է քաղաքացու մահը:
Փրկարարները սահմանազատել են տարածքը եւ քաղաքացու դին մոտեցրել շտապօգնության ավտոմեքենային:
