Իտալիայի փոխվարչապետ եւ ԱԳ նախարար Մատեո Սալվինին ԵՄ-ին կոչ է արել հարգանքով վերաբերել իտալացի ժողովրդին։ Այս մասին նա գրել է Twitter-ի իր էջում՝ մեկնաբանելով Իտալիայի 2019թ․ բյուջեի նախագիծը չընդունելու Եվրահանձնաժողովի որոշումը՝ տեղեկացնում է ՏԱՍՍ-ը։ Չորեքշաբթի Եվրահանձնաժողովը կրկին մերժել է Իտալիայի 2019թ․ բյուջեի նախագիծը, որը Հռոմն արդեն մեկ անգամ վերափոխել էր՝ կապված եվրոպական նորմերին չհամապատասխանելու հետ։ Ընդ որում, իտալական կառավարությունը հրաժարվել է հետեւել բյուջեի դիֆիցիտի կանխատեսումը նվազեցնելու Բրյուսելի խորհրդատվություններին եւ պահպանել է այն 2,4 տոկոսի մակարդակի վրա, ինչի հետ ԵՀ-ն կտրականապես համաձայն չէ։ Իտալիայի վարչապետ Ջուզեպե Կոնտեն, ով նոյեմբերի 24-ին կհանդիպի Եվրահանձնաժողովի նախագահ Ժան Կլոդ Յունկերի հետ, «կառուցողական երկխոսության» հույս է հայտնել։