Երեկ վարչապետի հետ հանդիպմանը որևէ պայմանավորվածություն ձեռք չենք բերել։ Այս մասին, այսօր  Ազգային ժողովում լրագրողների հետ զրույցում  նշեց  ԱԺ փոխնախագահ Միքայել Մելքումյանը։ «Կառավարությունը մնաց իր տեսակետին՝ արտահերթ ընտրությունները նախատեսվում է դեկտեմբերին», -ասաց նա: Հարցին՝ պայմանավորվածություն եղե՞լ է, որ իրենք չառաջադրեն թեկնածու, Միքայել Մելքումյանն աաց, որ տարբեր հարցերի շուրջ քննարկումներ են եղել։«Խոսակցություն եղել է բոլոր թեմաների շուրջ, բայց վերջնական, պաշտոնական որևէ բան չի եղել», - ասաց նա։ԱԺ փոխնախագահն ասաց, որ պայմանավորվել են շարունակել քննարկումները։«Մենք մնում ենք մեր տեսակետին՝ արտահերթ ընտրությունները մինչև մեկ տարի՝ մայիս, հունիս, հիմնավորումն այն է, որ պետք է լինի նոր Ընտրական օրենսգիրք, որը հիմա չկա», - ասաց Մ. Մելքումյանը։ ԲՀԿ-ական փոխնախագահն ասաց՝ եթե ցանկություն կա հապճապ ընդունելու նոր Ընտրական օրենսգիրք, ամեն ինչ էլ հնարավոր է։