Այսօր՝ օգոստոսի 26-ին, ավտովթար է տեղի ունեցել Երևանում։ Ժամը 18։00-ի սահմաններում Աճառյան-Բաբաջանյան փողոցների խաչմերուկում, «Հարսնաքար» ռեստորանային համալիրի մոտ, բախվել են Երևանի բնակիչներ՝ 29-ամյա Հենրիկ Հ.-ի վարած «Tesla» մակնիշի և 42-ամյա Հասմիկ Ի.-ի վարած «Chevrolet» մակնիշի ավտոմեքենաները։

Shamshyan.com-ի հաղորդմամբ՝ վթարի հետևանքով, ըստ նախնական տեղեկությունների, բարեբախտաբար, տուժածներ չկան։

Ֆոտոլրագրողը հայտնում է, որ բախման հետևանքով «Tesla»-ի անվահեծանը պոկվել է և ավտոմեքենան վերածվել է մետաղե ջարդոնի։