Իրանում շաբաթ առավոտյան տեղի ունեցած ահաբեկչության զոհերի թիվը հասել է 24-ի, վիրավորվել է 53 մարդ: Այդ մասին հայտնում է interfax.ru-ն: Նշենք, որ երկրի արտգործնախարար Մոհամադ Ջավադ Զարիֆը հայտարարել է, որ Ահվազում ահաբեկչության համար պատասխանատու են «ահաբեկչության տարածաշրջանային հովանավորները» և ԱՄՆ-ն: Հիշեցնենք, որ անհայտ անձինք կրակ են բացել իրանական Ահվազ քաղաքում զորահանդեսի ժամանակ: Նշվում է, որ ոչնչացվել է 2 գրոհային: