Մոսկվայում Մեծ Բրիտանիայի դեսպան Լորի Բրիստոուն Ռուսաստանի արտգործնախարարությունում կայացած հանդիպման ժամանակ հայտարարել է, որ Լոնդոնը չի տրամադրի Սկրիպալների գործով կասկածյալ երկու տղամարդկանց մատնահետքերը:  Այս մասին հաղորդում է  ՏԱՍՍ-ը՝  հղում կատարելով ՌԴ ԱԳ նախարարության պաշտոնական ներկայացուցիչ Մարիա Զախարովային: «ՌԴ Արտաքին գործերի նախարարությունը խնդրել է Ռուսաստանում Մեծ Բրիտանիայի դեսպանին տրամադրել երկու տղամարդկանց մատնահետքերը, որոնց Լոնդոնում կասկածյալ են անվանել Սոլսբերիի գործով և կապել Ռուսաստանի հետ:  Դեսպանը հայտնել է, որ բրիտանական կողմը չի տրամադրի այդ նյութերը»,-  նշել է դիվանագետը: