ԵՄ պաշտպանության նախարարները սկսել են քննարկել պաշտպանության և անվտանգության ոլորտում Մշտական կառուցվածքային գործընկերության եվրոպական ծրագրին (PESCO) ոչ անդամ պետությունների մասնակցության հնարավորությունները: Այս մասին օգոստոսի 30-ին Վիեննայում ԵՄ պաշտպանության նախարարների երկօրյա ոչ ֆորմալ հանդիպման ժամանակ հայտարարել է Եվրամիության արտաքին քաղաքականության և անվտանգության հարցերով գերագույն հանձնակատար Ֆեդերիկա Մոգերինին՝ տեղեկացնում է segodnya.ua-ը: «Նախարարները սկսել են քննարկել այս նախագծին երրորդ երկրների մասնակցության հնարավորության հետ կապված հարցերը, մենք ակնկալում ենք մինչև տարեվերջ որոշում կայացնել այս ուղղությամբ »,- ասել է Մոգերինին: