Բաքվից արձագանքել են «պոկերի արքա» Դեն Բիլզերյանի՝ Արցախի Հանրապետություն կատարած այցին։ Ադրբեջանի արտաքին գործերի նախարարության պաշտոնական ներկայացուցիչ Հիքմեթ Հաջիևը հայտարարել է, որ այդ ամենը «կրկես» է, իսկ Բիլզերյանին ու նրա գործունեությունը անլուրջ է անվանել, գրում է Report.az-ը։ «Կարծում եմ, որ ավելի օգտակար կլիներ, որ նրանք, ովքեր կազմակերպել են նրա այցը, նման կրկեսի և անլուրջ գործունեության փոխարեն զբաղվեին Ղարաբաղյան հիմնախնդրի հարցով ու տարածաշրջանում խաղաղության ապահովմամբ»,- հայտարարել է նա։