Ֆրանսիայի նախագահ Էմանուել Մակրոնը եւ Գերմանիայի կանցլեր Անգելա Մերկելը մտահոգություն են հայտնել սիրիական Իդլիբում հումանիտար իրավիճակի կապակցությամբ, հաղորդում է AFP-ն: Հեռախոսազրույցի ընթացքում երկու երկրների ղեկավարները նշել են, որ Իդլիբում «մարդասիրական ռիսկերը» «շատ բարձր են»: Նրանք կոչ են արել «համապարփակ քաղաքական գործընթացի տարածաշրջանում երկարատեւ խաղաղության հաստատման համար»: Մերկելը եւ Մակրոնը նաեւ կոչ են արել Միջերկրական ծովում միգրանտների հարցով «համակարգված եվրոպական լուծման» հասնել: