Չինաստանը բարոյական աջակցություն է առաջարկել Թուրքիային ֆինանսական ճգնաժամի ֆոնին։
Պեկինը գտնում է, որ Անկարային կհաջողվի հաղթահարել տնտեսական դժվարությունները, նշված է Չինաստանի ԱԳՆ հայտարարությունում:
«Թուրքիան ձեւավորված շուկայով կարեւոր երկիր է, կայուն է ու զարգանում է, օգուտ է բերում տարածաշրջանային խաղաղության ու կայունությանը»,-նշված է հայտարարությունում։
Չինաստանը մշտապես սատարել է Թուրքիայի հետ գործարար եւ ֆինանսական համագործակցությունը եւ շուկայական կանոններին համապատասխան գործարքներ կնքումը:
Չինական ICBC բանկի ներկայացուցիչը նշել է, որ թուրքական կողմի հետ ստորագրել են ենթակառուցվածքների ոլորտին առնչվող փոխըմբռնման հուշագրեր: «Սինհուան» հայտնել է, որ խոսքը 3.8 մլրդ դոլարի համաձայնագրի մասին է։
