Իրանի արեւմուտքում գտնվող Բանեհ քաղաքում իրանցի սահմանապահների վրա ահաբեկչական խմբի հարձակման հետեւանքով 4 սահմանապահներ են վիրավորվել, հայտնում է Tasnim–ը։ Սահմանապահների հետ հրաձգությունը տեղի է ունեցել Բանեհ քաղաքի մերձակայքում գտնվող Աբդուլհասան գյուղի մոտ՝ «Բարդե Բուկ» ճանապարհին։ Հարձակվողներին հաջողվել է թաքնվել, ներկայումս նրանք հետախուզվում են։ Նախորդ ամիս ահաբեկիչները հարձակվել էին նույն նահանգում գտնվող սահմանային անցակետի վրա՝ սպանելով Իսլամական հեղափոխության պահապանների կորպուսի 10 ներկայացուցիչների։