ԱՄՆ-ի Պետդեպարտամենտը մինչև 10 միլիոն դոլար է հասցրել պարգևատրումը «Ալ Քաիդա» ահաբեկչական խմբավորման երկու պարագլուխների վերաբերյալ որևէ տեղեկություն տրամադրողներին:
Այս մասին հայտնում է ԱՄՆ-ի արտգործնախարարության կայքը:
Ըստ կայքի՝ խոսքը Աբդուլ Ահմեդ Աբդուլի և Սայիֆ ալ Ադլի մասին է, ովքեր մեղադրվում են 1998 թվականին Քենիայի մայրաքաղաք Նայրոբիի և Տանզանիայի այն ժամանակվա մայրաքաղաք Դար էս Սալամի ամերիկյան դեսպանատներում պայթյուն կազմակերպելու համար: Ահաբեկչական գործողությունների հետևանքով 224 մարդ զոհվել էր:
