![](https://irakanum.am/wp-content/uploads/2018/03/erdoxan-472x265-300x168.jpg)
Հարցի շուրջ gերմանացի քաղաքական գործիչները երկու հակադիր ճամբարներում են հայտնվել։ Մի մասը դեմ է Էրդողանի այցին, իսկ մյուս մասը` կողմ, փոխանցում է ermenihaber-ը:
Էրդողանի այցին դեմ արտահայտված քաղաքական գործիչներից է Գերմանիայի «Կանաչների» կուսակցության համանախագահ, ծագումով թուրք պատգամավոր Ջեմ Օզդեմիրը։ Վերջինս գերմանական «Funke»-ին տված հարցազրույցում նշել է, որ Էրդողանը ժողովրդավար երկրի նախագահ չի հանդիսանում և այդ իսկ պատճառով հարկ չկա նրա համար նման ընդունելություն կազմակերպել։ Թուրք պատգամավորը դժգոհել է , որ այցը պաշտոնական է լինելու:
Էրդողանի այցին դեմ է արտահայտվել նաև ծայրահեղ աջակողմյան «Գերմանիայի համար այլընտրանք» կուսակցության անդամ Ալիս Վեյդելը։ Նա մասնավորապես ասել է.
«Էրդողանը պետք է մնա իր տանը։ Գերմանիան կտրականապես չպետք է թույլ տա, որ Էրդողանը քարոզչություն իրականացնի Բեռլինում»։
Միջանկյալ նշենք, որ Էրդողանը Գերմանիայում կայանալիք այցի ժամանակ պատրաստվում է նաև հանդիպել տեղի թուրքական համայնքի հետ։
Իսկ Գերմանիայի «Սոցիալ-դեմոկրատական» (SPD) կուսակցության անդամ և Գերմանիայի արտգործնախարարության խոսնակ Հայկո Մաասը դեմ չէ Էրդողանի այցին։
«Ինձ համար երբեք համոզիչ չի եղել այն պնդումը, որ դժվար գործընկերոջ հետ հնարավոր չէ խոսել»,-ասել է նա:
Թուրքիայի նախագահի այցին դեմ չէ նաև Գերմանիայի «Քրիստոնեա-դեմոկրատական» (CDU) կուսակցությունը։ Վերջինիս անդամ Էլմար Բրոքը ասել է.
«Մենք նախկինում էլ խալիներ ենք փռել արյունոտ ձեռքերով նախագահների առջև։ Եթե միայն ժողովրդավար առաջնորդների ընդունենք, ապա Գերմանիան մոտ ապագայում միջազգային ասպարեզում միայնակ կմնա»։