Հայաստանի մարդու իրավունքների պաշտպան Արման Թաթոյանն այսօր ցավակցական հեռագիր է հղել Վրաստանի հանրային պաշտպան Նինո Լոմջարիային Տղիբուլիում տեղի ունեցած հանքահորի փլուզման կապակցությամբ, որը մարդկային զոհերի պատճառ է դարձել։ Հեռագրում Պաշտպանը կարեկցանքի և զորակցության խոսքեր է փոխանցել զոհվածների հարազատներին և շուտափույթ ապաքինում մաղթել ողբերգության արդյունքում տուժածներին։