ՌԴ ԱԻՆ-ին պատկանող «Իլ-76» տրանսպորտային ինքնաթիռը Սիրիա է հասցրել ավելի քան 30 տոննա հումանիտար օգնությունը: Նորություների դաշնային գործակալության հաղորդմամբ՝ այս մասին տեղեկացրել է Սիրիայում հակամարտող կողմերի հաշտեցման ռուսական կենտրոնը:
Կենտրոնի տվյալներով՝ ՌԴ ԱԻՆ ինքնաթիռը, որը օդ է բարձրացրել Հայաստանի «Զվարթնոց» օդանավակայանից, վայրէջք է կատարել սիրիական «Խմեյմիմ» ավիաբազայում: Օդանավով ուղարկվել է հումանիտար արձագանքման հայ-ռուսական կենտրոնի պատրաստած 30 տոննա օգնությունը:
Հումանիտար օգնության բեռում ընդգրկվել է ձավարեղեն, բուսայուղ, ինչպես նաև առաջին անհրաժեշտության պարագաներ: Առաջիկայում օգնությունը կհասցվի Սիրիայի խաղաղ բնակիչներին, որոնք գտնվում են երկրի դժվարհասանելի շրջաններում:
Ընդհանուր առմամբ, Հայաստանից ռուսական ԱԻՆ-ի ինքնաթիռներով «Խմեյմիմ» ավիաբազա կհասցվի ավելի քան 100 տոննա հումանիտար օգնություն:
00:00:00
