«Կառավարություն կառուցվածքի» մասին օրենքում փոփոխություններ լրացումների կատարելու մասին քննարկման ժամանակ «Ելք» խմբակցության պատգամավոր Մանե Թանդիլյանը Արդարադատության նախարար Դավիթ Հարությունյանին խնդրեց անդրադառնալ, թե ինչ հիմնավորմամբ են որոշել, որ կառավարության նիստերը պետք է դռնփակ անցկացվեն վարչապետի ցանկության դեպքում։ Պատգամավորը հորդորեց չասել արդեն ծեծված պատճառաբանությունը, թե ա ժողովրդավարությունից է բխում և բանավեճ ապահովելու միտում ունի. «Նույն տրամաբանությամբ ԱԺ նիստերը կարող ենք փակել», - ասաց նա։ Նախարարն արձագանքեց՝ նախ էական տարբերություն կա օրենսդիր ու գործադիր իշխանությունների միջև, քանի որ օրենսդիր մարմինը երբեք չի գործում կոլեկտիվ պատասխանատվության սկզբունքով։ Դրանով է պայմանավորված դռնփակ նիստեր անցկացնելու որոշումը։ Գործադիր իշխանությունում դա ժողովրդավարական տարր է: Ամեն դեպքում, նախարարը  կրկնեց, որ դռնփակ նիստերի ժամանակ բանավեճերը հնարավոր կդառնան։