Irakanum.am-ի ունեցած հավաստի տեղեկություններով ԱԱԾ-ն առաջիկայում խուզարկություններ է իրականացնելու նաեւ ԱԺ նախկին պատգամավոր Մհեր Սեդրակյանի՝ Թոխմախի Մհերին պատկանող օբյեկտներում: Մեր աղբյուրների փոխանցմամբ ստուգումներ կիրականացվեն հատկապես Սեդրակյանի ընտանիքին պատկանող գազալցակայաններում: Ի դեպ կան տեղեկություններ, որ վերջինիս գազալցակայաններում շարունակում են չտրամադրել ՀԴՄ կտրոններ: Ըստ երեւույթին նախկին պատգամավորը, դեռեւս չի գիտակցում, որ Հայաստանում իրավիճակ է փոխվել, եւ նախկինում սահմանված խաղի կանոնները այսօր արդեն դիտվում են որպես անօրինականություն: Հիշեցնենք, որ ԱԱԾ-ն խուզարկություն էր իրականացրել նաեւ Առաքել Մովսիսյանի՝ Շմայսի տանը: Վերջինս տեղափոխվել է ԱԱԾ: