Հայաստանի Սահմանադրական դատարանի դատավորի ընտրության քվեարկությունը կանցկացվի հունիսի 13-ին, ԱԺ նիստերի դահլիճին հարակից նախասրահում, ժամը 11.00-ից մինչեւ 11.40: Այս մասին, այսօր՝ հունիսի 12-ին, ԱԺ-ում հայտարարեց ԱԺ հաշվիչ հանձնաժողովի նախագահ Գագիկ Մելիքյանը:
Նա նշեց, որ քվեաթերթիկում առկա է մեկ անուն՝ Ելիզավետա Դանիելյան: Պատգամավորները կարող են նրան կողմ կամ դեմ քվեարկել:
Սահմանադրական դատարանի դատավորի թափուր տեղում ընտրելու համար առաջարկվել է ՀՀ դատավորների ընդհանուր ժողովի կողմից ընտրված՝ ՀՀ վճռաբեկ դատարանի քրեական պալատի դատավոր Ելիզավետա Ռեմիկի Դանիելյանի թեկնածությունը:
ՍԴ անդամի թեկնածությունը ԱԺ-ում պետք է հաստատվի 3/5-րդով, այսինքն անհրաժեշտ է լինելու 63 կողմ ձայն:
Եթե Ելիզավետա Դանիելյանը եւս չստանա 63 կողմ ձայներ, ապա կստացվի, որ ՍԴ-ում երկու տեղ թափուր կմնա:
00:00:00
