Բաքվի վերաքննիչ դատարանում այսօր շարունակվել է Արցախի նախկին ռազմաքաղաքական ղեկավարների և մյուս հայ գերիների բողոքների քննությունը:
Ըստ ադրբեջանական ԶԼՄ-ների՝ Արցախի ԱԺ նախկին նախագահ Դավիթ Իշխանյանի, ինչպես նաև Դավիթ Ալահվերդյանի, Մելիքսեթ Փաշայանի ՛՛պաշտպանները՛՛ ՛՛խնդրել են դատարանին բեկանել փետրվարի 5-ի դատարանի վճիռն ու իրենց պաշտպանյալների նկատմամբ արդարացման դատավճիռներ կայացնել՛՛։
Նշվում է նաև, որ դրանից հետո կեղծ դատական նիստն ընդմիջվել է, որպեսզի ՛՛մեղադրյալներն՛՛ իրենց ՛՛պաշտպանների՛՛ հետ փակ, գաղտնի հանդիպումներ անցկացնելու հնարավորություն ունենան։
Ինչպես հաղորդվում է՝ Իշխանյանը նախ միջնորդություն է ներկայացրել՝ դատարանին խնդրելով քրեական գործի նյութերին կցել իր կողմից պատրաստված վերաքննիչ բողոքի և դիմումի կրկնօրինակները: Նա նաև նշել է, որ համաձայն չէ իրեն առաջադրված մեղադրանքին։ Արցախի ԱԳ նախկին նախարար Դավիթ Բաբայանի և Մադաթ Բաբայանի ՛՛պաշտպանները՛՛ փոխվել են, քանի որ նրանց փաստաբանները չէին կարողացել մասնակցել նիստին առողջական խնդիրների պատճառով։
Հաջորդ շինծու դատավարությունը տեղի կունենա հուլիսի 3-ին։
