Լեռնային Ղարաբաղից տեղահանված ընտանիքների բնակապահովման պետական աջակցության ծրագրի շրջանակում 2026 թվականի մայիսի 31-ի դրությամբ հավաստագիր է տրամադրվել 6444 ընտանիքի, ԱԺ-ում այս մասին հայտարարեց ՀՀ փոխվարչապետ Տիգրան Խաչատրյանը։

Հավաստագիր ստացած ընտանիքներում ներառված է 26 հազար 432 մարդ։ Այդ ընտանիքներից ավելի քան 2970-ն արդեն գնել է իր տունը կամ բնակարանը։

Նա նշեց, թե Արցախից տեղահանված քաղաքացիների սոցիալ-տնտեսական ինտեգրման միջավայրի բարելավումը շարունակել է մնալ կառավարության հիմնական առաջնահերթություններից։