Նրանք պետք է ապրեն այստեղ, ինչպես Հայաստանի Հանրապետության քաղաքացիներ, նրանք իրենց տանն են, կանցնի ժամանակ, կանցնենք խաղաղության հաջորդ փուլին ու կգնանք, կայցելենք պատմական վայրեր, եկեղեցիներ, ինչպես ենք հիմա գնում Թուրքիա, Թուրքիայում Ցեղասպանություն է եղել, 1,5 միլիոն հայեր են զոհվել, հիմա այնտեղ հազարավոր հայեր են ապրում, հայկական եկեղեցի կա: Այս մասին Radio Van-ի եթերում ասել է ԱԺ նախագահ Ալեն Սիմոնյանը՝ խոսելով արցախցիների մասին:
Նա հավելել է. «Ես չեմ ուզում հակառակ երկրի փաստաբանը լինել, իսկ ադրբեջանցիների համար ցավո՞տ չէ, նրանք 30 տարի մտածել են, որ մենք օկուպացրել ենք իրենց տարածքի մի մասը:
Իհարկե, նրանք ապրել են Արցախում, մտածում եք՝ միայն հայե՞րն են Արցախում ապրել, ինչքան զոհվել են հայերը, այնքան էլ զոհվել են ադրբեջանցիները, մայրը երկու կողմից էլ մայր է»:
