րաստանը և Հայաստանը կարող են տնտեսապես օգուտ քաղել Մերձավոր Արևելքից զբոսաշրջության և կապիտալի հոսքերի վերահասցեավորումից: Դրա մասին ասվում է Արժույթի միջազգային հիմնադրամի զեկույցում։
Զեկույցում նշվում է, որ Մերձավոր Արևելքում պատերազմի պատճառով առևտրի խափանումները լուրջ ռիսկ են տարածաշրջանի համար, բայց նաև շեշտվում է, որ որոշ երկրներ կարող են որոշակի տնտեսական օգուտներ ստանալ ընթացիկ իրադարձություններից։
«Մերձավոր Արևելքում պատերազմի հետևանքով առաջացած առևտրային խափանումները լուրջ ռիսկ են տարածաշրջանի համար, որի ազդեցությունը տարբեր է տարբեր երկրներում՝ կախված Իրանի հետ նրանց առևտրային կապերից և տնտեսական մասնագիտացումից։ Իրանին աշխարհագրորեն ավելի մոտ երկրներն ապրանքների զուտ ներմուծողներ են, մինչդեռ զբոսաշրջությունից ավելի կախված երկրներն ավելի խոցելի են։ Ներմուծումից բարձր կախվածությունը և արագացող գնաճը տարածաշրջանը ենթարկում են համաշխարհային ապրանքների և սննդամթերքի գների բարձրացման ռիսկի։ Մշտական գնաճը կարող է պահանջել դրամավարկային քաղաքականության խստացում, հատկապես նավթ ներմուծող երկրների համար։ Աշխարհաքաղաքական անորոշության աճը և համաշխարհային ֆինանսական շուկայի լարված պայմանները կարող են հանգեցնել օտարերկրյա ներդրումների անկման և բիզնեսի վստահության նվազման։ Մյուս կողմից, որոշ երկրներ, ինչպես Հայաստանը և Վրաստանը, կարող են օգտվել Մերձավոր Արևելքից զբոսաշրջության և կապիտալի հոսքերի վերահասցեավորումից»,- ասվում է զեկույցում, հայտնում է BMG-ն։
ԱՄՀ զեկույցում նշվում է նաև, որ Կովկասի և Կենտրոնական Ասիայի տնտեսությունները շարունակում են մեծապես կախված լինել Ուկրաինայի պատերազմից։
