Հայաստանից Ադրբեջան ներմուծված 960 դոլարի ներմուծումն իրականում կապված է Նիդերլանդներից գնված վարդերի հետ, հայտնել է Ադրբեջանի պետական մաքսային կոմիտեն:
«Մատակարարումն իրականացվել է ՀՀ-ի տարածքով տարանցիկ եղանակով: Համաձայն «Արտաքին առևտրի մաքսային վիճակագրության հրապարակման կանոնների» 3.3 կետի՝ ներմուծման ժամանակ որպես գործընկեր երկիր հաշվի է առնվում այն երկիրը, որով անցնում է ապրանքը։ Այդ կապակցությամբ նշված վարդերը վիճակագրության մեջ արտացոլվել են որպես ՀՀ-ից ներմուծված»,- գրված է հաղորդագրության մեջ:
Հիշեցնենք, որ ավելի վաղ ՀՀ ՊԵԿ-ից հերքել էին ադրբեջանական ԶԼՄ-ների տարածած տեղեկությունն այն մասին, որ Ադրբեջանն առաջին անգամ 960 դոլարի ապրանք է ներմուծել Հայաստանից:
