Իրանը շարունակում է արգելել ԱՄՆ-ի և Իսրայելի հետ առնչություն ունեցող նավերի անցումը Հորմուզի նեղուցով։ Այս մասին հայտարարել է Իրանի ԶՈւ «Խաթամ ալ-Անբիա» կենտրոնական շտաբի ներկայացուցիչ Էբրահիմ Զոլֆաղարին։

Նրա խոսքով՝ «թշնամական նավերը իրավունք չունեն և չեն ունենալու անցնելու Հորմուզի նեղուցով, իսկ մյուս նավերին, Իրանի Իսլամական Հանրապետության զինված ուժերի սահմանած կանոնները պահպանելու դեպքում, կշարունակվի թույլատրվել նեղուցով անցումը»։