Իրանի զինված ուժերը ԱԹՍ-երով հարվածներ են հասցրել Հորդանանում գտնվող ամերիկյան «Ալ-Ազրաք» ավիաբազային, որտեղ տեղակայված են եղել F-35 և F-15 կործանիչներ, հայտնում է իրանական բանակը։
«Իրանի ցամաքային ուժերի, ռազմաօդային ուժերի և ռազմածովային նավատորմի անօդաչու թռչող սարքերը գրոհ են ձեռնարկել սիոնիստական ռեժիմի Թել Նոֆ ավիաբազայի (Իսրայելի ռազմաօդային ուժերի գլխավոր ռազմավարական բազաներից է, գտնվում է Թել Ավիվի մոտակայքում-խմբ.), ինչպես նաև Ալ-Ազրաք ավիաբազայում (Հորդանանի կարևորագույն ռազմաօդային բազաներից է, գտնվում է Ազրաք քաղաքի մոտ-խմբ.) ամերիկյան F-35 և F-15 կործանիչների տեղակայման վայրերի ուղղությամբ»,- Իրանի պաշտպանության նախարարության հաղորդագրությունն է մեջբերել երկրի պետական հեռուստառադիոընկերությունը։
