Միլանի «Ինտերը» շարունակում է առանձնահատուկ ուշադրության կենտրոնում պահել իր հայ երկրպագուներին։ Իտալական ակումբի մամուլի ծառայությունը սոցիալական ցանցերի իր էջերում հատուկ հրապարակում է արել՝ նվիրված թիմի հիմնական կազմի առանցքային կիսապաշտպան Հենրիխ Մխիթարյանին, գրում է armsport.am-ը:
Միլանյան գրանդը կիսվել է հայ ֆուտբոլիստի մասնակցությամբ դրվագով և գրառումն ուղեկցել հատուկ հայ լսարանին ուղղված ուղերձով.
«Մխիթարյանից մաքուր դաս։ Հետևեք մեզ՝ Հայաստանի մասին ավելի շատ բովանդակության համար»,- ասվում է ակումբի պաշտոնական էջի հրապարակման մեջ։
Նշենք, որ «Ինտերը» պարբերաբար ընդգծում է Մխիթարյանի կարևոր դերը Կրիստիան Կիվուի գլխավորած թիմում և հաճախակի է ինտերակտիվ շփում ստեղծում Հայաստանից իրենց հետևող բազմահազար ֆուտբոլասերների հետ։
