ԱՄՆ նախագահ Դոնալդ Թրամփը հայտնել է, որ Իրանում ցամաքային ռազմական գործողություններ սկսելու վերաբերյալ դեռ որոշում չունի:
New York Post-ին տված հարցազրույցում նա, մասնավորապես, ասել է. «Մենք այդ հարցի վերաբերյալ դեռ որոշում չենք ընդունել։ Մենք դրանից դեռ շատ հեռու ենք»։
Նշվում է, որ այսպես Թրամփը մեկնաբանել է այն տեղեկությունները, ըստ որոնց՝ ԱՄՆ վարչակազմում քննարկում են ամերիկացի զինվորականների Իրան ուղարկելու և Սպահանում պահվող միջուկային նյութերը վերցնելու հարցը։
Թրամփը նաև հայտարարել է, թե գոհ չէ, որ Իրանի նոր գերագույն առաջնորդ է ընտրվել սպանված Ալի Խամենեիի որդին՝ Մոջթաբա Խամենեին, սակայն չի բացահայտել՝ ինչ քայլեր է մտադիր ձեռնարկել հետագայում։
«Ես չեմ պատրաստվում ձեզ ասել»,-հայտարարել է նա։
Հիշեցնենք, որ ավելի վաղ Թրամփն ասել էր, որ ցանկանում է անձամբ ազդել Իրանի նոր գերագույն առաջնորդի նշանակման գործընթացի վրա:
