Հոլանդական հետախուզությունը հայտնել է, որ ռուս հաքերները փորձել են մուտք գործել Signal և WhatsApp հաշիվներ ամբողջ աշխարհում: Ըստ Հոլանդական հետախուզական գործակալության (AIVD) և Ռազմական հետախուզության և անվտանգության ծառայության (MIVD) համատեղ հայտարարության՝ թիրախավորվում են բարձրաստիճան պաշտոնյաների, զինվորական անձնակազմի և լրագրողների հաշիվները: Reuters-ը հաղորդում է, որ դա «գլոբալ կիբերարշավ» է, որի շրջանակում հարձակվողները, հնարավոր է, արդեն իսկ գաղտնի տեղեկություն են ձեռք բերել:  

Հատուկ ծառայությունների տվյալներով՝ հաքերները քողարկվում են որպես Signal Support չաթբոտ՝ զոհերի հաշիվները գրավելու և անձնական և խմբային զրույցներին մուտք գործելու համար: Սակայն, իրական Signal չաթբոտ գոյություն չունի. նամակագրությունն իրականացվում է բացառապես էլեկտրոնային փոստի միջոցով:

Բացի դրանից, հարձակվողները փորձում են օգտագործել Signal-ի և WhatsApp-ին «առնչվող սարքեր» գործառույթը՝ հեռակա կարգով հաղորդագրություններ կարդալու համար, որի մասին օգտատերերը չեն էլ կասկածում:

MIVD-ի տնօրեն, փոխծովակալ Պիտեր Ռիսինկը զգուշացրել է, որ հակառակ ծածկագրմանը, Signal-ը և WhatsApp-ը չպետք է օգտագործվեն դասակարգված կամ գաղտնի տեղեկություն փոխանցելու համար:

AIVD-ի ղեկավար Սիմոնե Սմիթը հավելել է, որ անհնար է պնդել, որ հաղորդագրությունների հավելվածները լիովին կոտրվել են, փոխարենը, սպառնալիքը սահմանափակվում է անհատական ​​օգտատերերի հաշիվներով։